Ադրբեջանն առաջատար է մերձկասպյան երկրների շրջանում Իրանից ապրանքների ներմուծման առումով

Իրանն ընթացիկ տարվա առաջին 6 ամիսներին (մարտի 21-սեպտեմբերի 22) Ադրբեջան է արտահանել 363,02 մլն դոլարի ապրանք, ինչը 72 տոկոսով ավելի է նախորդ տարվա նույն ժամանակահատվածի համեմատ։

Ինչպես հաղորդում է Caliber.Az-ը՝ հղում անելով Իրանի Իսլամական Հանրապետության մաքսային վարչությանը (ICA), Ադրբեջանը գլխավորել է Իրանի արտահանման ուղղությունների ցանկը մերձկասպյան երկրների շրջանում։

Իրանը Ադրբեջանից ներմուծել է 19,04 մլն դոլարի ապրանք, ինչը 19%-ով պակաս է նախորդ տարվա համեմատ։

Կասպյան տարածաշրջանում իրանական ապրանքների արտահանման հաջորդ ուղղություններն են Ռուսաստանը, Թուրքմենստանն ու Ղազախստանը։