Ադրբեջանում աճում է բանկոմատների թիվը, զգալիորեն ավելացել է POS տերմինալների թիվը

Ադրբեջանում բանկոմատների թիվը 2024 թվականի հունիսի վերջին կազմել է 3 159 միավոր, ինչը 1,5 տոկոսով ավելի է 2023 թվականի վերջի ցուցանիշից։

Ինչպես հաղորդում է Caliber.Az-ը՝ հղում անելով ԿԲ-ին, Բաքվում բանկոմատների թիվը կազմել է 1670 միավոր (աճը՝ 3%), երկրի շրջաններում՝ 1 489 (0,1 տոկոս անկում)։

Բացի այդ, երկրում POS տերմինալների թիվը հաշվետու ժամանակահատվածում աճել է 13,1%-ով՝ կազմելով 97 718 միավոր։

Ընդ որում՝ Բաքվում տեղադրվել է 62 598 POS տերմինալ (աճը՝ 9,7%), շրջաններում՝ 35 120 (աճը՝ 19,7%)։