ԱԶԲ-ն թարմացրել է Ադրբեջանի տնտեսության աճի կանխատեսումները
Ասիական զարգացման բանկը (ԱԶԲ) 2024 թվականին Ադրբեջանում ՀՆԱ-ի աճի տեմպերը կանխատեսում է 1,2 տոկոս, իսկ 2025 թվականին՝ 1,6 տոկոս՝ պայմանավորված պետական ծախսերի ավելացմամբ և սպասարկման ոլորտում։
Ինչպես հայտնում է Report-ը, այս մասին ասված է «Ասիայի զարգացման հեռանկարներ»-ի ապրիլյան զեկույցում։ ԱԶԲ-ի նախորդ (2023թ. սեպտեմբեր) գնահատականի համաձայն՝ 2024թ. համար Ադրբեջանի ՀՆԱ-ի աճը կանխատեսվում էր 2,6%:
«Ելնելով մանրածախ և տրանսպորտի ոլորտներում սպասվող աճից՝ սպասարկման ոլորտի աճը կանխատեսվում է մինչև 2,3% 2024 թվականին և 3% 2025 թվականին։ Տրանսպորտի ոլորտում շահույթը կապահովվի՝ ազգային «KazMunayGas» ընկերության և Ադրբեջանի Պետնավթընկերության (SOCAR) միջև՝ ղազախական նավթի տարանցումն Ադրբեջանի տարածքով մեծացնելու համաձայնագրի միջոցով»,- նշում է ԱԶԲ-ն։
Բանկի վերլուծաբաններն ակնկալում են, որ արդյունաբերական անկումը 2024 թվականին կթուլանա մինչև 1,6%՝ պայմանավորված նավթային հարթակի արտադրողականության դանդաղեցմամբ, և մինչև 1% 2025 թվականին, քանի որ գազի արդյունահանումը դառնում է ավելի կարևոր: