ԱՄՀ-ն թարմացրել է Ադրբեջանում տնտեսական աճի կանխատեսումը

Արժույթի միջազգային հիմնադրամը թարմացրել է ընթացիկ տարվա համար Ադրբեջանում տնտեսական աճի կանխատեսումը։

Ինչպես հայտնում է Caliber.Az-ը, ԱՄՀ-ի կանխատեսման համաձայն, այս տարի Ադրբեջանում իրական համախառն ներքին արդյունքի աճը կկազմի 2,5%:

Արժույթի միջազգային հիմնադրամն այս տարի Ադրբեջանում գնաճը կանխատեսել է 10,8% մակարդակում։

Նշենք, որ ավելի վաղ ԱՄՀ-ն նվազեցրել էր Կենտրոնական Ասիայի և Մերձավոր Արևելքի տարածաշրջանի տնտեսական աճի կանխատեսումը, որը ներառում է Ադրբեջանը, 5,3%-ից մինչև 3,2%։