Ավստրիական ընկերությանը հրավիրել են ներդրումներ կատարել Ադրբեջանի արդյունաբերական գոտիներում

Ադրբեջանի կառավարությունը ավստրիական Grabher Group GmbH ընկերությանը հրավիրել է՝ ներդրումներ կատարել երկրի արդյունաբերական գոտիներում։

Այս մասին հայտնում է Сaliber.Az-ը՝ Ադրբեջանի տնտեսության նախարարությանը կից տնտեսական գոտիների զարգացման գործակալությանը հղումով։

Ըստ տեղեկությունների՝ գործակալությունում հանդիպում է անցկացվել՝ ավստրիական ընկերության գլխավոր տնօրեն Գյունտեր Գրաբհերի գլխավորած պատվիրակության հետ։ Հյուրերը տեղեկացվել են՝ ձեռնարկատերերի համար արդյունաբերական գոտիներում ստեղծված բարենպաստ ներդրումային հնարավորությունների, կիրառվող հարկային և մաքսային արտոնությունների մասին։