Բաքվում կանցկացվի Ադրբեջանի և ԵՄ-ի միջև անվտանգությանը նվիրված երկխոսության երրորդ փուլը

Ադրբեջանն ու Եվրամիությունը Բաքվում կանցկացնեն անվտանգությանը նվիրված երկխոսության երրորդ փուլը։

Այս մասին Twitter-ում գրել է Եվրոպական արտաքին գործերի ծառայության գլխավոր քարտուղարի տեղակալ և քաղաքական տնօրեն Էնրիկե Մորան, հայտնում է Caliber.Az-ը։

«Բաքու ժամանել եմ հանդիպելու ադրբեջանցի պաշտոնյաների հետ և մասնակցելու ԵՄ-Ադրբեջան անվտանգության 3-րդ երկխոսությանը: Ռուսաստանի ներխուժումն Ուկրաինա և դրա ավելի լայն տարածաշրջանային հետևանքները պահանջում են ավելի սերտ համագործակցություն՝ ընդհանուր մարտահրավերներին դիմակայելու համար: ԵՄ-ն հաստատապես հավատարիմ է տարածաշրջանում խաղաղությանն ու անվտանգությանը»,- ասված է գրառման մեջ։