Բաքվում տաքսիների թիվը զգալիորեն կկրճատվի Պաշտոնական

«Բաքու քաղաքի համար բավարար է 20 հազար տաքսի մեքենա»:

Ինչպես հայտնում է Сaliber.Az-ը, այս մասին ասել է տրանսպորտի և թվային զարգացման փոխնախարար Ռահման Հումմաթովը։

Նա ընդգծել է, որ նախորդ տարվանից հնարավոր է եղել մայրաքաղաքում տաքսիների թիվը 67 հազարից կրճատել 60 հազարի։

«Բայց տաքսիների թվի 40 հազարով նվազումը չի նշանակում նոր գործազուրկների ի հայտ գալը: Այդ վարորդները կանցնեն աշխատանքի մարդատար ավտոբուսներում կամ կզբաղվեն բեռնափոխադրումներով, որտեղ վարորդների կարիք կա։ Ուստի մենք մտադիր ենք անմիջապես սկսել աշխատանքը Բաքվում տաքսիների թիվը կրճատելու ուղղությամբ»,- ընդգծել է Հումմաթովը:

Հիշեցնենք, որ պաշտոնական տվյալներով Բաքվում մոտ 60 հազար տաքսի կա, մինչդեռ Փարիզում՝ 20 հազար, իսկ 15,9 միլիոնանոց Ստամբուլում՝ կա 28 հազար տաքսի։