Դատախազության աշխատակիցներ կարող են ուղարկվել Իրան՝ Ադրբեջանի դեսպանատան վրա հարձակումը հետաքննելու համար

«Իրանում ադրբեջանական դիվանագիտական կորպուսի վրա զինված հարձակման հանգամանքները ցույց են տալիս, որ այդ մարդը միայնակ չի եղել։ Հանցագործությունը նախապես պայմանավորված է եղել»։

Այս մասին, ըստ Caliber.Az-ի, REAL TV-ին տված հարցազրույցում ասել է ԱՀ գլխավոր դատախազ Քյամրան Ալիևը։

Նրա խոսքով՝ հանցագործության բոլոր մասնակիցները, պատվիրատուները և մեղավորները պետք է պատասխանատվության ենթարկվեն.

«Այս կապակցությամբ մենք արդեն Պետական անվտանգության ծառայության հետ համատեղ իրավական օգնության մասին հարցում ենք պատրաստում իրանական կողմին։ Այս հարցումը կուղարկվի, և անհրաժեշտության դեպքում այնտեղ կուղարկվեն մեր դատախազության և Պետական անվտանգության ծառայության աշխատակիցները: