ԵՄ հանձնակատարը՝ Ադրբեջանում. օրակարգում COP29-ի առաջնահերթություններն են

Եվրոպական միության (ԵՄ) Կլիմայի գործունեության հարցերով հանձնակատար Վոպկե Հուկստրան այցով գտնվում է Ադրբեջանում։

Ինչպես հաղորդում է Caliber.Az-ը, այս մասին ԵՄ հանձնակատարը գրել է «X»-ում։

«Ես գտնվում եմ Բաքվում՝ կառավարության և քաղաքացիական հասարակության ներկայացուցիչների հետ քննարկելու COP29-ի առաջնահերթությունները և կլիմայական հավակնությունները: Մենք պետք է իրականացնենք ԱՄԷ-ի կոնսենսուսով նախատեսված էներգետիկ անցման բոլոր գլոբալ նպատակները և աջակցենք դրան կլիմայական ֆինանսավորման միջոցով»,- ասել է ԵՄ ներկայացուցիչը։