Իսրայելցի հասարակական գործիչ Արիե Գուտի անվան մրցանակ է սահմանվել

Ադրբեջանա-ամերիկյան մշակութային հիմնադրամի տնօրենների խորհուրդը որոշել է հատուկ մրցանակ սահմանել՝ իսրայելցի հասարակական գործիչ և լրագրող Արյե Գուտի անունով, ով բացառիկ դեր է խաղացել՝ վերջին 15 տարիների ընթացքում Ադրբեջանի և Իսրայելի միջև բարեկամական հարաբերությունների խորացման գործում, ինչպես նաև ադրբեջանական իրողությունները Իսրայելին հասցնելու գործում։

Caliber.Az-ը հայտնում է, որ մրցանակը, որը կշնորհվի ամեն տարի հատուկ արարողության ժամանակ, կհանձնվի անհատներին կամ կազմակերպություններին, որոնք նպաստում են Ադրբեջանի և Իսրայելի միջև հարաբերությունների ամրապնդմանը։

Ղարաբաղյան երկրորդ պատերազմում վիրավորված ադրբեջանցի զինվոր Արիֆ Հաջիևի մասին պատմող՝ «Աչք թարթում» վավերագրական ֆիլմը նվիրված է Գուտի պայծառ հիշատակին։ Ֆիլմը նկարահանվել է Ադրբեջանա-ամերիկյան մշակութային հիմնադրամի և ամերիկյան «Double Trouble Production» ընկերության մասնակցությամբ։

Հիմնադրամի ղեկավար Նուրիտ Գրեյնջերն ասել է, որ 2022 թվականի հուլիսին Գուտի հետ վերջին հանդիպման ժամանակ կիսվել է՝ ծանր վիրավոր վետերան Արիֆ Հաջիևի մասին վավերագրական ֆիլմ ստեղծելու գաղափարով, և նա աջակցել է այս նախաձեռնությանը։