Իրաք-Ադրբեջան նոր օդային կամուրջ է բացվել

Իրաքի ազգային ավիափոխադրողը սկսել է կանոնավոր չվերթներ իրականացնել՝ Հեյդար Ալիևի միջազգային օդանավակայան ևս մեկ ուղղությամբ։

Ինչպես Caliber.Az-ին հայտնել են օդանավակայանի մամուլի ծառայությունից, փետրվարի 2-ից «Iraqi Airways»-ը թռիչքներ կիրականացնի շաբաթական մեկ անգամ Քիրքուկ-Բաքու-Քիրքուկ երթուղով։

Իրաքյան ավիափոխադրողի ինքնաթիռը բարեհաջող վայրէջք է կատարել Հեյդար Ալիևի միջազգային օդանավակայանում՝ տեղական ժամանակով 13:37-ին։

«Բաքվի օդանավակայանը ձգտում է ստեղծել հաճելի և անվտանգ միջավայր մեր բոլոր ուղևորների համար և առաջարկում է ծառայությունների լայն շրջանակ: Ադրբեջանի և Իրաքի միջև օդային հաղորդակցության ընդլայնումը կարևոր ներդրում կունենա երկու երկրների միջև հարաբերությունների հետագա զարգացման գործում»,- ասել է Հեյդար Ալիևի անվան միջազգային օդանավակայանի տնօրեն Թեյմուր Հասանովը։