Խալաֆ Խալաֆովն աշխատանքային այց է կատարել Սլովենիա ԼՈՒՍԱՆԿԱՐ

Մայիսի 3-ին մեկնարկել է՝ Ադրբեջանի փոխարտգործնախարար Խալաֆ Խալաֆովի աշխատանքային այցը Սլովենիա։

Ինչպես Caliber.Az-ին հայտնել են ԱԳՆ-ում, այցի շրջանակներում տեղի է ունեցել՝ Ադրբեջանի և Սլովենիայի արտաքին գործերի նախարարությունների միջև քաղաքական խորհրդակցությունների հերթական փուլը։ Խորհրդակցություններին Սլովենիան ներկայացնում էր՝ քաղաքական հարցերի, տնտեսական դիվանագիտության և զարգացման համագործակցության պետքարտուղար Սամուել Ժբոգարի գլխավորած պատվիրակությունը։

Նշելով, որ ընթացիկ քաղաքական խորհրդակցությունները առանցքային նշանակություն ունեն՝ Ադրբեջանի և Սլովենիայի միջև շփումների ակտիվացման առումով, կողմերը քննարկել են քայլեր, որոնք կարող են ձեռնարկվել տարբեր ոլորտներում երկկողմ համագործակցությունը զարգացնելու և այդ կապերը դիվերսիֆիկացնելու համար։ Հանդիպմանը կարևորվել է համատեղ ջանքերի մոբիլիզացումը՝ երկու երկրների միջև առկա բարեկամական կապերի և համագործակցության հետագա ընդլայնման համար։

Խորհրդակցությունների ընթացքում քննարկվել են՝ երկկողմ հարաբերությունների ներկա վիճակը և համագործակցության հեռանկարները, առևտրատնտեսական, հումանիտար, էներգետիկ և ներդրումային ոլորտներում համագործակցության զարգացման, փոխայցելությունների կազմակերպման հարցեր։ Ընդգծվել է շարունակական քաղաքական երկխոսության պահպանման կարևորությունը։ Միաժամանակ, կողմերն անդրադարձել են՝ միջազգային և տարածաշրջանային կազմակերպությունների շրջանակներում երկու երկրների միջև փոխգործակցության ամրապնդման կարևորությանը։

Խալաֆ Խալաֆովն իր գործընկերոջը տեղեկացրել է՝ հետկոնֆլիկտային փուլի և տարածաշրջանում տիրող իրավիճակի, օկուպացիայից ազատագրված տարածքներում պահպանվող ականային սպառնալիքի, այստեղ անցկացվող վերականգնման և շինարարական աշխատանքների, դեօկուպացված տարածքների հետագա զարգացման ծրագրերի մասին։. Անդրադարձ է կատարվել՝ Ադրբեջանի ականազերծման գործակալության (ANAMA) և սլովենական «Մարդկային անվտանգության բարձրացման ITF» կազմակերպության միջև առկա հաջող համագործակցությանը, այդ կապերի հետագա ընդլայնման հեռանկարներին: