Համաշխարհային բանկը լրացուցիչ կֆինանսավորի Ադրբեջանում զբաղվածությանն աջակցությանը

Համաշխարհային բանկի գործադիր տնօրենների խորհուրդն այսօր հաստատել է 150 միլիոն ԱՄՆ դոլարի հավելյալ ֆինանսավորում՝ Ադրբեջանի Զբաղվածության աջակցության ընթացիկ նախագծի (AESP) ընդլայնման համար:

Այս մասին հայտնում է Caliber.Az-ը՝ հղում անելով Համաշխարհային բանկին։

Նախագծի նպատակն է օգնել բնակչության առավել խոցելի խավերին՝ հատուկ ուշադրություն դարձնելով հարկադիր վերաբնակներին, կանանց ու երիտասարդներին, ինչպես նաև երկարաժամկետ գործազուրկներին:

«Վերջին երեք տարիների ընթացքում 15000 շահառուներ, այդ թվում՝ ավելի քան 5000 կանայք, ստացել են ակտիվների փաթեթներ՝ իրենց բիզնեսը սկսելու համար: Հիմնվելով այս հաջողության վրա՝ հաստատված ֆինանսավորումը կընդլայնի առկա զբաղվածության ծրագրերն ու ծառայությունները, ինչպես նաև հարմարվել և փորձել այլ ծրագրեր՝ ավելի շատ մարդկանց սպասարկելու և AESP-ի շրջանակներում բիզնեսի կայունությունը խթանելու համար: Լրացուցիչ ֆինանսավորումը հնարավորություն կտա շարունակել աջակցել Ադրբեջանի ինքնազբաղվածության ծրագրին (SEP)՝ ընդլայնելով դրա ծածկույթը նոր հատվածներում, ինչպիսիք են արտադրությունը և ծառայությունները՝ խթանելու տնտեսական ակտիվության դիվերսիֆիկացումը և ցնցումներին դիմակայելը: Բացի այդ, այս ֆինանսավորումը հնարավորություն կտա փորձարկել բարելավված դրամաշնորհային սխեման, որը հնարավորություն կտա շահառուներին օգտագործել այդ միջոցները իրենց բիզնեսն ընդլայնելու համար», - ասել են ֆինանսական հաստատությունում: