Հեյդար Ալիևի անվան Միջազգային օդանավակայանում մինչև տարեվերջ ուղևորահոսքը կգերազանցի 5,7 միլիոնը

«Եթե նայենք՝ Բաքվի օդանավակայանի ընդհանուր ուղևորաշրջանառությունը 2023 թվականի 11 ամիսների ընթացքում, ապա այդ թիվը գերազանցել է 5,3 միլիոնը։ Առաջին 11 ամիսներին ներքին և միջազգային չվերթների ընդհանուր ուղևորների թիվը 21,2%-ով գերազանցել է 2019 թվականի նույն ժամանակահատվածի ցուցանիշը։

Ինչպես հաղորդում է Caliber.Az-ը, այս մասին հայտարարել է՝ Հեյդար Ալիևի անվան Միջազգային օդանավակայանի տնօրեն Թեյմուր Հասանովը։

Նա նշել է, որ մինչև տարեվերջ՝ 2019 թվականի համեմատ ուղևորահոսքը կաճի 20 տոկոսով և կգերազանցի 5,7 միլիոնը։

Ընդգծելով, որ աշուն-ձմեռ թռիչքների սեզոնին Բաքվի օդանավակայանից 70 քաղաքներ չվերթներ են իրականացնում 36 ավիաընկերություններ, Թեյմուր Հասանովը նշել է, որ գործող գործընկերներից 17-ը ցածր գնով ավիաընկերություններ են։ Նա նաև հավելել է, որ Բաքվից հայտնի ուղղությունների համար այլևս չկա երթուղի, որը սպասարկում է միայն մեկ ավիաընկերություն, և այդպիսով ուղևորներին ավելի շատ տարբերակներ են տրամադրվում։