Յագուբ Սեֆեր. 30 թուրքական ընկերություններ 1 միլիարդ դոլար կներդնեն Ղարաբաղում

«Այսօր Ադրբեջանի ազատագրված տարածքներում գործում է 30 թուրքական ընկերություն»:

Ինչպես հաղորդում է Caliber.Az-ը, այս մասին հայտարարել է Թուրքիայի դեսպանատան առևտրային հարցերով գլխավոր խորհրդական Յագուբ Սեֆերը՝ ադրբեջանա-թուրքական համագործակցությանը նվիրված Կասպյան էներգետիկ ֆորումի (Caspian Energy Forum) հատուկ նիստում:

Նա նշել է, որ խոսքը գնում է 1 մլրդ ԱՄՆ դոլարի մասին, որոնք կներդրվեն այս ընկերությունների կողմից։ Նա, սակայն, վստահություն է հայտնել, որ ներդրումների ծավալը հետագայում կաճի։

Նրա խոսքով, ակնկալվում է նաև երկու երկրների միջև զբոսաշրջային հոսքի ավելացում. «Այս տարի Ադրբեջանից Թուրքիա է ժամանել 135 հազար մարդ, իսկ հակառակ ուղղությամբ՝ 125 հազար մարդ»։