Նախարար. Ադրբեջանի և Ռումինիայի միջև համագործակցության ընդլայնման համար որևէ խոչընդոտ չկա

Ադրբեջանի և Ռումինիայի միջև համագործակցության ընդլայնման համար որևէ խոչընդոտ չկա.

Ինչպես հաղորդում է Caliber.Az-ը, այս մասին՝ Բաքվում անցկացված.Ադրբեջանի և Ռումինիայի կառավարությունների միջև առևտրատնտեսական կապերի և գիտատեխնիկական համագործակցության համատեղ հանձնաժողովի 8-րդ նիստում ասել է՝ հանձնաժողովի համանախագահ, բնակչության աշխատանքի և սոցիալական պաշտպանության նախարար Սահիլ Բաբաևը։

Նա նշել է, որ որպես երկու երկրների միջև տնտեսական կապերի զարգացման դինամիկայի շարունակություն՝ աճում է ապրանքաշրջանառությունը, իսկ անցյալ տարի արձանագրվել է դրական միտում՝ 29,3 տոկոս։

«Համատեղ հանձնաժողովի այս և դրան հաջորդած նիստերը կամրապնդեն համագործակցությունը տարբեր ոլորտներում: Քննարկվելու են՝ էներգետիկայի, տրանսպորտի, ներդրումների, գյուղատնտեսության, սոցիալական, կրթական, հումանիտար, շինարարության և այլ ոլորտներում հետագա համագործակցության ուղղությունները։ Ստորագրված Ռազմավարական գործընկերության մասին համատեղ հռչակագիրը, 2011 թվականին ստորագրված ռազմավարական գործընկերության իրականացման համատեղ գործողությունների պլանը, ինչպես նաև անցյալ ժամանակաշրջանում ստորագրված համագործակցության վերաբերյալ ավելի քան 60 փաստաթղթեր, նպաստել են մեր երկրների միջև հարաբերությունների զարգացմանը։ Մեր կապերը հասել են ռազմավարական գործընկերության մակարդակի»,- ասել է Բաբաևը։