Որքա՞ն գազ և կոնդենսատ է արդյունահանվել »Ափշերոն»-ի հանքավայրից ԼՈՒՍԱՆԿԱՐ

Կասպից ծովի ադրբեջանական հատվածում գտնվող «Ափշերոն» գազակոնդենսատային հանքավայրից տարվա ընթացքում արդյունահանվել է ավելի քան 1,5 միլիարդ խորանարդ մետր գազ և մոտ 580 հազար տոննա կոնդենսատ՝ վաղ արտադրության սխեմայի (EPS) շրջանակներում։

Ինչպես հայտնում է Caliber.Az-ը, այս մասին X սոցիալական ցանցի իր էջում գրել է էներգետիկայի նախարար Փարվիզ Շահբազովը։

#Abşeron qaz-kondensat yatağından İlkin Hasilat Sxemi (İHS) mərhələsi üzrə bir il ərzində 1.5 mlrd. m3-dən çox #qaz və təxminən 580 min ton #kondensat hasil edilib. “Abşeron”un mərhələli inkişafı, illik hasilatın 1,5 mlrd. m3-dən 6 mlrd. m3-dək çatdırılması ilə bağlı planlar… pic.twitter.com/1NCeSD3aKa

— Parviz Shahbazov (@ParvizShahbazov) July 10, 2024

Նախարարը նշել է, որ «Ափշերոն»-ի փուլային զարգացումը, տարեկան արդյունահանումը 1,5 միլիարդ խորանարդ մետրից մինչև 6 միլիարդ խորանարդ մետրի հասցնելու պլանները կարևոր ներդրում են երկրի, ինչպես նաև տարածաշրջանային և եվրոպական գործընկերների էներգետիկ անվտանգության համար։