Պակիստանը նախատեսում է գազ ներկրել Ադրբեջանից

Ձմռանը էներգիայի աճող պահանջարկը բավարարելու համար Պակիստանի կառավարությունը որոշել է առաջիկա մի քանի ամսում լրացուցիչ գազ ներկրել Ադրբեջանից։

Այս մասին հայտնում է Сaliber.Az-ը՝ հղում անելով The Express Tribune-ին։

Նավթի պետնախարար Մուսադիկ Մալիկը հայտնել է, որ Պակիստանը պատրաստվում է առաջիկա երկու ամսվա ընթացքում Ադրբեջանից 20 հազար տոննա հավելյալ գազ (հեղուկ գազ՝ LPG) ներկրել։ Նա հավելել է նաև, որ Ռուսաստանի նավթի նախարարը հաջորդ ամիս կայցելի Պակիստան՝ բանակցելու Ռուսաստանից հում նավթի ներկրման վերաբերյալ համաձայնագրի շուրջ։

Պակիստանի գազի պաշարները ամեն տարի սպառվում են, ինչի պատճառով իշխանություններն ավելի շատ գազի պաշարներ են ներմուծում երկիր: