Սահիբ Մամեդով. Բաքուն և Ռիգան միասին 332 մլն դոլար են ներդրել իրենց երկրների տնտեսություններում

Ադրբեջանի և Լատվիայի օտարերկրյա ուղղակի ներդրումների ընդհանուր ծավալը կազմել է 332 մլն ԱՄՆ դոլար։

Ինչպես հաղորդում է Caliber.Az-ը, այս մասին հայտարարել է Ադրբեջանի տնտեսության փոխնախարար Սահիբ Մամեդովը։

«Մեր տնտեսական կապերի մեկ այլ կարևոր ուղղությունը ներդրումային համագործակցությունն է։ Նշեմ, որ 1995 թվականից մինչև 2023 թվականը Լատվիայից Ադրբեջանի տնտեսության մեջ ուղղակի ներդրումների ծավալը կազմել է 166 միլիոն ԱՄՆ դոլար։ Իսկ Ադրբեջանից Լատվիա՝ նույնպես 166 մլն ԱՄՆ դոլար։ Ինչպես տեսնում եք, թվերը համընկնում են»,- երկուշաբթի ասել է Մամեդովը՝ Բաքվում ադրբեջանա-լատվիական գործարար համաժողովում:

Մամեդովը նաև նշել է, որ 2024 թվականի առաջին եռամսյակում փոխադարձ ապրանքաշրջանառության ծավալը կազմել է 6 մլն ԱՄՆ դոլար։

«Բնականաբար, մենք դժգոհ ենք այս ցուցանիշներից։ Այս ցուցանիշները չեն արտացոլում մեր պետությունների իրական հնարավորությունները։ Եվ այս ուղղությամբ պետք է բոլոր ջանքերը գործադրել, որպեսզի այդ թվերն ավելանան»,- ընդգծել է փոխնախարարը։