Վրաստանի ԱԳՆ ղեկավարը կժամանի Ադրբեջան

Վրաստանի արտգործնախարար Իլիա Դարչիաշվիլին ապրիլի 26-27-ը պաշտոնական այցով կժամանի Ադրբեջան։

Ինչպես տեղեկացնում է Caliber.Az-ը, այս մասին հայտնել են Վրաստանի արտաքին գործերի նախարարությունից։

Այցի ընթացքում Դարչիաշվիլին կհանդիպի Ադրբեջանի նախագահ Իլհամ Ալիևի, վարչապետ Ալի Ասադովի, Միլլի Մեջլիսի նախագահ Սահիբա Գաֆարովայի և արտգործնախարար Ջեյհուն Բայրամովի հետ։