Փաշինյան. Հայաստանը չի օգնում Ռուսաստանին շրջանցել Արևմուտքի պատժամիջոցները Ի՞նչ կասեք Հայփոստի մասին։

Հայաստանը չի օգնում Ռուսաստանին շրջանցել Արևմուտքի սահմանափակումները, իսկ հռետորաբանություն այն մասին, որ նման իրավիճակ գոյություն ունի, «ուղղակի խոսակցություններ» են։

Այս մասին, ըստ ՏԱՍՍ-ի, հայտարարել է հանրապետության վարչապետ Նիկոլ Փաշինյանը՝ հինգշաբթի Բեռլինում Գերմանիայի կանցլեր Օլաֆ Շոլցի հետ համատեղ ասուլիսում։

«Որպես ժողովրդավարական երկիր, որի համար թափանցիկությունը չափազանց կարևոր է, մենք նույնպես թափանցիկ ենք այս հարցում։ Խոսել այն մասին, որ Հայաստանը օգնում է Ռուսաստանին շրջանցել միջազգային պատժամիջոցները, ուղղակի խոսակցություններ են»,- ասել է նա:

Նշենք, որ վերջերս հրապարակել էինք մի հոդված, որտեղ կարևոր խնդիր է արծարծվում հայկական ազգային փոստի՝ Հայփոստի գործունեության մասին։ Այսպես, հոդվածում նշվել և կոնկրետ փաստեր են բերվել, որ Հայաստանի ազգային փոստը օգնում է շրջանցել հակառուսական պատժամիջոցները։