Փարվիզ Շահբազով. Ադրբեջանն ավելի քան 10 մլն տոննա նավթ է արտահանել

2023 թվականի հունվար-մայիսին Ադրբեջանում նավթի արդյունահանման ծավալը (ներառյալ կոնդենսատը) կազմել է 12,7 մլն տոննա, իսկ արտահանումը` 10,6 մլն տոննա։

Ինչպես հայտնում է Caliber.Az-ը, այս մասին Twitter-ում գրել է Ադրբեջանի էներգետիկայի նախարար Փարվիզ Շահբազովը։

Հրապարակման մեջ ասվում է, որ արդյունահանված բնական գազի ավելի քան կեսը (10,3 մլրդ խմ) երկիրն արտահանել է արտաքին շուկաներ։

«2023 թվականի հունվար-մայիսին Ադրբեջանում գազի արդյունահանումն ավելացել է երեք տոկոսով՝ մինչև 20,2 միլիարդ խորանարդ մետր»,- ասվում է հրապարակման մեջ։