Օվերչուկ. Ռուսաստանի, Ադրբեջանի և Հայաստանի աշխատանքային խմբի հանդիպման ժամկետները համաձայնեցվում են

Ռուսաստանի Դաշնության, Ադրբեջանի և Հայաստանի եռակողմ աշխատանքային խմբի հաջորդ դեմ առ դեմ հանդիպման ժամը և վայրը կորոշվի՝ երեք երկրների փոխվարչապետերի խորհրդակցություններից հետո։ Այս մասին ուրբաթ օրը ՏԱՍՍ-ին հայտնել է Ռուսաստանի փոխվարչապետ Ալեքսեյ Օվերչուկը։

«Այսօր օրվա ընթացքում ինտենսիվ խորհրդակցություններ են անցկացվում Ադրբեջանի Հանրապետության, Հայաստանի Հանրապետության և Ռուսաստանի Դաշնության փոխվարչապետների միջև՝ Հարավային Կովկասի տարածաշրջանում տրանսպորտային հաղորդակցության վերականգնման հարցի շուրջ՝ եռակողմ աշխատանքային խմբի ։ շրջանակներում՝ մեր համատեղ նախագահության ներքո»,- ասել է Օվերչուկը։ «Եռակողմ աշխատանքային խմբի հաջորդ հանդիպման տեղի և ժամանակի վերաբերյալ վերջնական որոշումը կկայացվի խորհրդակցությունների արդյունքների հիման վրա»։

2020 թվականի նոյեմբերի 9-ին Ռուսաստանի նախագահ Վլադիմիր Պուտինը, Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը համատեղ հայտարարություն են ստորագրել՝ Ղարաբաղում ռազմական գործողությունների ամբողջական դադարեցման վերաբերյալ։ 2021 թվականի հունվարի 11-ին նրանք պայմանավորվել են՝ երեք երկրների փոխվարչապետների մակարդակով ստեղծել աշխատանքային խումբ, որը կենտրոնանալու է տարածաշրջանում տրանսպորտային և տնտեսական կապերի հաստատման վրա։