Օտարերկրացիները միլիարդավոր դոլարներ են ներդրել Ադրբեջանի տնտեսության մեջ Նախորդ տարվա ցուցանիշները

2023 թվականին Ադրբեջանի տնտեսությունում օտարերկրյա ուղիղ ներդրումները (ՕՈՒՆ) կազմել են 6,7 միլիարդ ԱՄՆ դոլար։

Ինչպես հայտնում է Сaliber.Az-ը, այս մասին լրագրողների հետ ճեպազրույցի ժամանակ ասել է Ադրբեջանի Կենտրոնական բանկի (ԱԿԲ) վիճակագրության դեպարտամենտի տնօրեն Սամիր Նասիրովը։

«Ադրբեջանի տնտեսության մեջ ուղիղ ներդրումների ծավալով առաջատար հինգ երկրներն են՝ Մեծ Բրիտանիան՝ 1,9 միլիարդ դոլար, Թուրքիան՝ 1,3 միլիարդ դոլար, Կիպրոսը՝ 792 միլիոն դոլար, Ռուսաստանը՝ 617 միլիոն դոլար և Իրանը ՝ 396 միլիոն դոլար», - նշել է նա: