Հայտնի են դարձել Ադրբեջանում Խըզը-Աբշերոնի հողմային էլեկտրակայանի գործարկման ժամկետները

Ադրբեջանում Խըզը-Աբշերոնի հողմային էլեկտրակայանի գործարկումը՝ շահագործման առաջին փուլի շրջանակներում տեղի կունենա 2025 թվականի երկրորդ եռամսյակում։

Այս մասին Сaliber.Az-ին ասել է՝ Սաուդյան Արաբիայում տեղակայված ACWA Power ընկերության Կենտրոնական Ասիայի տարածաշրջանային տնօրեն Աբիդ Մալիկը։

Նա ընդգծել է, որ Խըզը-Աբշերոնի հողմային էլեկտրակայանը կներառի ընդհանուր առմամբ 37 հողմատուրբիններ։

«Մենք նախատեսում ենք շահագործման հանձնել էլեկտրակայանը և սկսել աշխատանքը շահագործման առաջին փուլի շրջանակներում մինչև 2025 թվականի երկրորդ եռամսյակի սկիզբը։ Այս սկզբնական փուլը կարևոր հանգրվան կլինի մեր հզորությունների ընդլայնման ռազմավարության մեջ, քանի որ մենք աշխատում ենք լրիվ շահագործման հզորություններ ձեռք բերելու ուղղությամբ», - ասել է Մալիկը: