Փոխնախարար. Ադրբեջանում կապահովվի լայնաշերտ ինտերնետի 100%-անոց հասանելիություն

Ադրբեջանը ծրագրում է թվայնացնել պետական կառույցների 80%-ը:

Ինչպես հայտնում է Сaliber.Az-ը, այս մասին Միլլի Մեջլիսի տնտեսական քաղաքականության, արդյունաբերության և ձեռներեցության հանձնաժողովի այսօրվա նիստում ասել է թվային զարգացման և տրանսպորտի փոխնախարար Սամիր Մամեդովը։

Նրա խոսքով, մինչև տարեվերջ երկրում կապահովվի լայնաշերտ ինտերնետի 100%-անոց հասանելիություն. «Ներկայումս այդ ցուցանիշը կազմում է մոտ 80%: Խոսքը 35 Մբիթ միջին արագության մասին է»։