Իտալիայի վարչապետն ընդգծել է Ադրբեջանի կարևորությունը Իտալիա բնական գազի մատակարարման գործում

Աշխարհ  25 Օգոստոսի 2022 - 13:39

Իտալիայի վարչապետ Մարիո Դրագին խոսել է իր երկրին բնական գազով ապահովելու հարցում Ադրբեջանի կարևորության մասին, հաղորդում է Trend-ը։

«Մենք նոր համաձայնագրեր ենք ստորագրել տարբեր երկրներից գազի մատակարարումներն ավելացնելու վերաբերյալ, այդ թվում՝ Ալժիրից և Ադրբեջանից։ Անցյալ տարի մեր ներմուծման 40 տոկոսը ռուսական բնական գազն էր։ Այս տարի տվյալ ցուցանիշը կրկնակի կրճատվել է։ Մենք արագացնում ենք վերականգնվող էներգիայի աղբյուրների զարգացումը։ Այս տարվա ութ ամիսների ընթացքում վերականգնվող էներգիայի պահանջարկը գրեթե չորս անգամ գերազանցում է 2020 և 2021 թվականների ցուցանիշները»,- ասել է Դրագին։

Իտալիայի վարչապետը հայտարարել է, որ իր երկիրն ամբողջությամբ կվերացնի կախվածությունը ռուսական բնական գազից մինչև 2024 թվականի աշուն՝ ընդգծելով, որ դա ազգային անվտանգության գլխավոր նպատակն է։ Նա նշել է, որ դրա համար կարևոր է ժամանակին ավարտել իտալական նոր գազամատակարարման նախագծերը։

Դրագին հայտնել է, որ Իտալիայի բնական գազի պահեստավորման հզորությունը ներկայումս կազմում է 80 տոկոս, և նպատակը հոկտեմբերին այն 90 տոկոսի հասցնելն է:

Caliber.Az

Դիտումներ: 45