Բացահայտվել է Թեհրանի ոստիկանապետի սուտը՝ Ադրբեջանի դեսպանատանն ահաբեկչական ակտի մասին

Քաղաքականություն  27 Հունվարի 2023 - 17:29

Իրանում Ադրբեջանի դեսպանատան վրա հարձակման նոր կադրեր են տարածվել, որոնք վկայում են Թեհրանի ոստիկանապետ Հուսեյն Ռահիմիի հայտարարության անարժանահավատության մասին, ով ավելի վաղ հայտնել էր, որ «հարձակվողը դեսպանատուն է մտել երկու փոքր երեխաների հետ»։

Հրապարակված տեսանյութում երևում է, որ ահաբեկիչը մեքենայով, որում երեխաներ չեն եղել, հասել է Ադրբեջանի դիվանագիտական կորպուս։ Մեքենայից իջնելուց հետո, հանցագործը «Կալաշնիկով» ինքնաձիգը ձեռքին գնացել է դեսպանատան շենք։

Դեպքը ֆիքսել են դեսպանատան հսկողության տեսախցիկները։

Ավելի վաղ Թեհրանի ոստիկանապետ Հուսեյն Ռահիմին ասել էր, որ հարձակվողը դեսպանատուն է մտել երկու մանկահասակ երեխաների հետ։ Թեհրանի ոստիկանությունը հայտնել է, որ հարձակումն իրականացվել է ընտանեկան խնդիրների հիման վրա և անձնական պատճառներով։ Սակայն կադրերը հակառակի մասին են վկայում՝ դա ավելի շատ ծրագրված ահաբեկչական ակտ է։
Հիշեցնենք, որ հունվարի 27-ի առավոտյան զինված հարձակում է իրականացվել Իրանի Իսլամական Հանրապետությունում Ադրբեջանի Հանրապետության դեսպանատան վրա։ Ըստ տեղեկությունների՝ հարձակվողը, ձեռքին «Կալաշնիկով» ինքնաձիգ, մտել է դեսպանատան շենք ու սպանել անվտանգության ծառայության ղեկավարին։ Հարձակումը կանխելիս վիրավորվել են նաև դեսպանատան երկու պահակները։ Վիրավորների վիճակը գնահատվում է բավարար։

Caliber.Az

Դիտումներ: 36