BP-ի փոխնախագահը Բաքվում մի շարք հանդիպումներ կանցկացնի

Եռօրյա այցով Բաքվում է գտնվում BP-ի արդյունահանման և գործառնությունների գծով գործադիր փոխնախագահ Գորդոն Բիրելը: Այցի նպատակն է մասնակցել Բաքվի էներգետիկ շաբաթվա շրջանակներում անցկացվող միջոցառումներին, որը տարվա խոշորագույն և կարևոր իրադարձությունն է Ադրբեջանում էներգետիկ ոլորտում։

BP-ից Сaliber.Az-ին հայտնել են, որ այցի ծրագրի շրջանակներում Գորդոնը նախատեսում է նաև գործարար հանդիպումներ ունենալ Ադրբեջանի վարչապետ Ալի Ասադովի, էկոնոմիկայի նախարար Միքայիլ Ջաբբարովի, էներգետիկայի նախարար Փարվիզ Շահբազովի և SOCAR-ի նախագահ Ռովշան Նաջաֆի հետ։

Այս հանդիպումներում կքննարկվեն աշխարհում, ինչպես նաև տարածաշրջանում BP-ի բիզնեսի առաջընթացին առնչվող հարցեր, էներգետիկ նախագծերի շրջանակներում իրականացվող աշխատանքների ներկա վիճակը, BP-ի աջակցությունը Ադրբեջանում էներգետիկ անցմանը: