Ադրբեջանում նշում են «Իլախըր Չերշենբե»-ն

Սոցիում  19 Մարտի 2024 - 10:35

Այսօր Ադրբեջանում նշվում է Նովրուզ տոնին նախորդող վերջին (Իլախըր) նախատոնական երեքշաբթին՝ «Թորփագ Չերշենբեսին» (Հողի երեքշաբթի)։

Ինչպես հայտնում է Caliber.Az-ը, ի տարբերություն Նովրուզի տոնին նախորդ մյուս երեքշաբթիների («Սու Չերշենբեսի», «Օդ Չերշենբեսի», «Յել Չերշենբեսի»), վերջինս ժողովրդի կողմից նշվում է ավելի հանդիսավոր։

Ինչպես նախորդ երեքշաբթի օրերին, այնպես էլ այս երեքշաբթի օրը ընդունված է կրակ վառել ու ցատկել դրա վրայով։ Կա համոզմունք, որ երբ մարդը ցատկում է կրակի վրայով, դրանում թողնում է իր անախորժությունները և հիասթափությունները։ Կրակը մարել չի կարելի, այն պետք է ինքնուրույն մարի։ Վերջին երեքշաբթի օրը ընդունված է միայն լավ խոսքեր ասել։

Ըստ հին ժողովրդական սովորույթների՝ այս օրը չի կարելի տանից աղ, ջուր, փող, հաց, լուցկի կամ կերոսին տալ։ Տներում մոմեր են վառում ընտանիքի անդամների թվին համապատասխան։

Ըստ հավատքի, Նովրուզին նախորդող վերջին երեքշաբթի օրը պետք է անցկացնել տանը, որպեսզի տարվա ընթացքում մարդը երկար չբաժանվի իր տնից ու ընտանիքից։

Ադրբեջանում գարունը կմտնի մարտի 20-ին՝ ժամը 07:06:21-ին։

Caliber.Az

Դիտումներ: 201