Որտեղի՞ց են գալիս փողերը: 3 ամսում Ադրբեջան 294 մլն դոլար

Ֆիզիկական անձանց կողմից արտասահմանյան երկրներից Ադրբեջան դրամական փոխանցումների ծավալն այս տարվա առաջին եռամսյակում կազմել է 294 մլն ԱՄՆ դոլար։

Ինչպես հայտնում է Caliber.Az-ը, այս մասին հայտարարել է Ադրբեջանի Կենտրոնական բանկի (ԱԿԲ) վիճակագրության դեպարտամենտի տնօրեն Սամիր Նասիրովը։

«Օտարերկրյա դրամական փոխանցումների ծավալն առաջին եռամսյակում կազմել է 294 մլն դոլար։ Երկրների կառուցվածքում փոխանցումների ծավալը Ռուսաստանից կազմել է 155 մլն ԱՄՆ դոլար, Թուրքիայից՝ 39 մլն ԱՄՆ դոլար, ԱՄՆ-ից՝ 14 մլն ԱՄՆ դոլար, Վրաստանից՝ 9 մլն ԱՄՆ դոլար, Մեծ Բրիտանիայից՝ 8 մլն ԱՄՆ դոլար»,- չորեքշաբթի կայացած ճեպազրույցում ասել է Նասիրովը:

Միաժամանակ նա նշել է, որ նույն ժամանակահատվածում Ադրբեջանից արտասահմանյան երկրներ փոխանցումների ծավալը կազմել է 131 մլն ԱՄՆ դոլար։

Դրամական փոխանցումների մեծ մասը կատարվել է Թուրքիա՝ 38,6 մլն ԱՄՆ դոլար, Ռուսաստան՝ 16,2 մլն ԱՄՆ դոլար, Վրաստան՝ 14,6 մլն ԱՄՆ դոլար, ԱՄՆ՝ 14 մլն ԱՄՆ դոլար և Մեծ Բրիտանիա՝ 6,8 մլն ԱՄՆ դոլար։