Ադրբեջանի դեսպանը պակիստանցի նախարարի հետ քննարկել է տնտեսական գործընկերության զարգացումը

Պակիստանում Ադրբեջանի դեսպան Խազար Ֆարհադովը հանդիպել է այդ երկրի պլանավորման և զարգացման նախարար Ահսան Իգբալի հետ։

Report-ի փոխանցմամբ՝ այս մասին X սոցիալական ցանցում գրել է պակիստանյան գերատեսչության մամուլի ծառայությունը։

Ըստ տեղեկատվության՝ կողմերն ընդգծել են Պակիստանի և Ադրբեջանի միջև ամուր եղբայրական հարաբերությունները։

Հանդիպման ընթացքում քննարկումներ են ծավալվել նաև փոխադարձ համագործակցության վերաբերյալ, մտքերի փոխանակում է տեղի ունեցել երկու երկրների միջև տնտեսական գործընկերության զարգացման շուրջ։