Ադրբեջանի ՀՆԱ-ն աճում է

Ադրբեջանում 2024 թվականի հունվար-հունիսին արտադրված համախառն ներքին արդյունքի ծավալը կազմել է 59 մլրդ 520,4 մլն մանաթ, ինչը 4,3 տոկոսով ավելի է 2023 թվականի նույն ժամանակահատվածի համեմատ։

Ինչպես հայտնում է Caliber.Az-ը, այս մասին ասված է Պետական վիճակագրական կոմիտեի հաղորդագրության մեջ։

Վիճակագրության համաձայն, տնտեսության նավթագազային հատվածում ավելացված արժեքի արտադրությունն աճել է 0,6%-ով, ոչ նավթագազային հատվածում՝ 6,9%-ով։

ՀՆԱ-ի կառուցվածքում 38,5%-ը բաժին է ընկել արդյունաբերությանը, 9,7%-ը՝ առևտրին, տրանսպորտային միջոցների վերանորոգմանը, 7%-ը՝ տրանսպորտին և պահեստավորմանը, 5.8%-ը՝ շինարարությանը, 5.8%-ը՝ գյուղատնտեսությանը, անտառային տնտեսությանը և ձկնորսությանը, 2.4%-ը՝ զբոսաշրջությանը և հասարակական սննդի ծառայություններին, 1.7%-ը՝ տեղեկատվությանը և կապին։