Ջեյհուն Բայրամով. Կոմունիկացիաների ապաշրջափակման վերաբերյալ վերջնական արդյունքներ դեռ չկան

Քաղաքականություն  10 Օգոստոսի 2022 - 10:33

«2020 թվականի նոյեմբերի 10-ի եռակողմ հայտարարությունը, ինչպես նաև 2021 թվականի հունվարի 12-ի հայտարարությունը նախատեսում են կոմունիկացիաների ապաշրջափակում, հաղորդակցության բացում Ադրբեջանի արևմտյան շրջանների և Նախչըվանի միջև։ Հայաստանի պարտավորությունն է ապահովել ադրբեջանական կողմի անցումը առանց սահմանափակումների։ Համապատասխան աշխատանքներն իրականացնելու համար՝ դեռ 2021 թվականի հունվարին ստեղծվել է եռակողմ հանձնաժողով՝ Ադրբեջանի, Ռուսաստանի և Հայաստանի փոխվարչապետների գլխավորությամբ»։

Ինչպես հաղորդում է Caliber.Az-ը՝ վկայակոչելով Haber Global հեռուստաալիքին, այս մասին հայտարարել է Ադրբեջանի արտգործնախարար Ջեյհուն Բայրամովը։

«Թեև այդ հանձնաժողովը սկսել է աշխատանքները, չնայած անցել է ավելի քան մեկուկես տարի, վերջնական արդյունքներ չկան։ Հայաստանը տարբեր պատրվակներով ձգձգում է այս հարցը։ Անցած ժամանակահատվածում, իհարկե, տեղի է ունեցել դիրքորոշումների զգալի մերձեցում։ Սակայն մենք կարծում ենք, որ եթե այս հարցում մտադրությունն անկեղծ լիներ, այն վաղուց լուծված կլիներ»,- ընդգծել է արտգործնախարարը։

Caliber.Az

Դիտումներ: 144