Ադրբեջանը ավելացրել է գյուղատնտեսական և ագրոարդյունաբերական արտադրանքի արտահանումը

Ադրբեջանի ոչ նավթային արտահանման ծավալը 2025 թվականի հունվարին՝ արժեքային արտահայտությամբ կազմել է 245,8 մլն ԱՄՆ դոլար։
 
Ինչպես հաղորդում է Caliber.Az-ը՝ Ադրբեջանի տնտեսական բարեփոխումների և հաղորդակցության վերլուծության կենտրոնին (CAERC) հղումով, 2024 թվականի նույն ժամանակահատվածի համեմատ՝ այս տարվա հունվարին ոչ նավթային արտահանման ծավալն աճել է 10,7%-ով։
 
Արտահանման զեկույցի նախնական տվյալների համաձայն՝ հունվարին պարենամթերքի արտահանումն աճել է 19,7%-ով և կազմել 84,2 մլն ԱՄՆ դոլար։
 
2025 թվականի հունվարին գյուղատնտեսական արտահանումն աճել է 10,4%-ով և կազմել 64,8 մլն ԱՄՆ դոլար, իսկ ագրոարդյունաբերական արտահանումն աճել է 44,3%-ով և կազմել 22,2 մլն ԱՄՆ դոլար։
 
Ընդհանուր առմամբ գյուղատնտեսական և ագրոարդյունաբերական արտադրանքի ընդհանուր արտահանումն աճել է 17,5%-ով և կազմել 87,1 մլն ԱՄՆ դոլար։