Ադրբեջանը ավելացրել է Ռուսաստանի հետ ապրանքաշրջանառությունը

Ադրբեջանի և Ռուսաստանի միջև փոխադարձ ապրանքաշրջանառության ծավալը՝ 2024 թվականի հունվար-սեպտեմբերին կազմել է 3 միլիարդ 498 միլիոն 805,04 հազար ԱՄՆ դոլար, ինչը 11,7 տոկոսով ավելի է նախորդ տարվա նույն ժամանակահատվածի համեմատ։
 
Ինչպես տեղեկացնում է Caliber.Az-ը, այս մասին հայտնում է Պետական ​​մաքսային կոմիտեն։
 
Վիճակագրական տվյալների համաձայն՝ 9 ամսում ադրբեջանական արտադրանքի արտահանման ծավալը Ռուսաստան կրճատվել է 0,5%-ով՝ կազմելով 859 մլն 311,46 հազար ԱՄՆ դոլար։ Արտահանման տեսակարար կշիռը կազմել է 4,33% (2023թ. հունվար-սեպտեմբեր – 3,26%)։
 
Միաժամանակ Ռուսաստանից ներմուծման ծավալն աճել է 16,3%-ով՝ հասնելով 2 մլրդ 639 մլն 493,58 հազար ԱՄՆ դոլարի։ Ներմուծման տեսակարար կշիռը կազմել է 18,03% (2023թ. հունվար-սեպտեմբեր – 17,99%)։