Ադրբեջանը կրճատում է Թուրքիայից էլեկտրատեխնիկական արտադրանքի ներմուծման ծախսերը

Ընթացիկ տարվա հունվար-փետրվարին Ադրբեջանը Թուրքիայից ներմուծել է 31,391 մլն ԱՄՆ դոլարի էլեկտրատեխնիկական արտադրանք։

Ինչպես հաղորդում է Caliber.Az-ը՝ հղում անելով Թուրքիայի արտահանողների ասամբլեային, դա 3,7%-ով պակաս է նախորդ տարվա նույն ժամանակահատվածի համեմատ։

Միայն փետրվարին Թուրքիայի կողմից նշված արտադրանքի արտահանումը Ադրբեջան կազմել է 13,812 մլն ԱՄՆ դոլար, ինչը 17,5%-ով պակաս է մեկ տարի առաջվա ցուցանիշից։

Երկու ամսում Թուրքիայի էլեկտրատեխնիկական արտադրանքի արտահանման արժեքը տարեկան կտրվածքով աճել է 1,1%-ով և կազմել 2,521 մլրդ ԱՄՆ դոլար, մինչդեռ փետրվարին այն աճել է 0,8%-ով և կազմել 1,296 մլրդ ԱՄՆ դոլար։