Ադրբեջանը Ռուսաստանից ստացավ սպասված ներողությունը

Իրականացված թափանցիկ դիվանագիտության շնորհիվ Ադրբեջանը հասավ անհրաժեշտ արդյունքի:

Ըստ Report-ի՝ թուրքական Haber Global հեռուստաալիքի պատրաստած սյուժեի հիմքում եղել է այս թեզը:

Նյութում նշվում է, որ սրանով Ադրբեջանը ևս մեկ անգամ ցուցադրեց իր դիվանագիտական ուժը միջազգային ասպարեզում։

Ընդգծվում է, որ նախագահ Իլհամ Ալիևի վճռական դիրքորոշման ֆոնին պաշտոնական Մոսկվան ստիպված եղավ ընդունել իր պատասխանատվությունը «Ադրբեջանական ավիաուղիներ»-ի (AZAL) ինքնաթիռի կործանման համար։

«Ադրբեջանը ստացավ Ռուսաստանից սպասված պաշտոնական ներողությունը։ Թե ինչպիսին կլինեն զարգացումները, ցույց կտա ժամանակը»,- ասվում է ռեպորտաժում։