Ադրբեջանը ծովի ջրի աղազրկման համար ներգրավել է ավելի քան 400 միլիոն դոլար

Ադրբեջանի տնտեսության նախարար Միքայիլ Ջաբբարովը մասնակցել է՝ սաուդյան ACWA Power ընկերության հետ փաստաթղթերի ստորագրման արարողությանը։
 
Ինչպես հաղորդում է Caliber.Az-ը, նախարարը այս մասին գրել է սոցիալական ցանցերի իր էջում։
 
«Ադրբեջանի առաջին միջազգային ներդրումային ֆորումի շրջանակներում, փոխվարչապետ Սամիր Շարիֆովի մասնակցությամբ, մենք մասնակցել ենք՝ ACWA Power-ի հետ ծովի ջրի աղազրկման կայանի կառուցման վերաբերյալ փաստաթղթերի ստորագրման արարողությանը։ Այս համաձայնագիրը նախատեսում է՝ ավելի քան 400 միլիոն դոլարի արտասահմանյան ուղղակի ներդրումների ներգրավում։ Նախագիծը հնարավորություն կտա օգտագործել ժամանակակից և արդյունավետ լուծումներ մեր երկրի ջրային ռեսուրսների ռացիոնալ կառավարման համար և կնպաստի տեխնոլոգիաների փոխանցմանն ու  պետական-մասնավոր գործընկերության զարգացմանը», - գրել է Ջաբբարովը։