Բաքուն, Սոֆիան, Անկարան և Թբիլիսին պայմանավորվել են համագործակցել կանաչ էներգիայի փոխանցման ոլորտում

Այսօր Բաքվում կայացել է «Ադրբեջան-Վրաստան-Թուրքիա-Բուլղարիա Կանաչ էներգետիկ միջանցք» նախագծին նվիրված նախարարների 2-րդ նիստը:

Ինչպես հայտնում է Caliber.Az-ը, նիստին մասնակցել են Ադրբեջանի էներգետիկայի նախարար Փարվիզ Շահբազովը, Վրաստանի էկոնոմիկայի և կայուն զարգացման փոխնախարար Վախթանգ Ցինցաձեն, Թուրքիայի էներգետիկայի և բնական պաշարների նախարար Ալփարսլան Բայրաքթարը և Բուլղարիայի էներգետիկայի նախարար Ժեչո Ստանկովը։

Հանդիպմանն ընդգծվել է էներգետիկ անվտանգության ապահովման համար միջտարածաշրջանային կանաչ էներգետիկ ենթակառուցվածքի ստեղծման կարևորությունը, ինչպես նաև այն նախագծերի դերը, որոնք նպաստում են Ադրբեջանի վերականգնվող էներգետիկ ռեսուրսների փոխադրման ոլորտում համագործակցության ընդլայնմանը:

Նիստի ընթացքում ստորագրվել է փոխըմբռնման հուշագիր՝ Ադրբեջանի էներգետիկայի նախարարության, Վրաստանի էկոնոմիկայի և կայուն զարգացման նախարարության, Թուրքիայի էներգետիկայի և բնական պաշարների և Բուլղարիայի էներգետիկայի նախարարության միջև կանաչ էներգիայի փոխանցման ոլորտում համագործակցության վերաբերյալ։