Բաքվում կանցկացվի Կլիմայական գործողությունների շաբաթ

Ադրբեջանում կանցկացվի Բաքվի Կլիմայական գործողությունների շաբաթը:

Ինչպես տեղեկացնում է Сaliber.Az-ը, սեպտեմբերի 29-ից հոկտեմբերի 3-ը Բաքվում կայանալիք միջոցառման մասին տեղեկատվությունը տրամադրել են COP29-ի նախագահ Մուխտար Բաբաևը և COP29-ի կլիմայական գործողությունների հարցերով ՄԱԿ-ի բարձր մակարդակի ղեկավար Նիգյար Արփադարաին։

Բաքվի կլիմայական գործողությունների շաբաթվա շրջանակներում կանցկացվեն միջազգային համաժողով, սեմինարներ, կլոր սեղաններ և մշակութային միջոցառումներ, որոնց կմասնակցեն կլիմայական փորձագետներ, պետական հաստատությունների և հանրության ներկայացուցիչներ, ինչպես նաև ներդրողներ:

Այս տարվա ծրագիրը ներառում է այնպիսի առանցքային թեմաներ, ինչպիսիք են էներգետիկ անցումը, կայուն գյուղատնտեսությունը և ջրային ռեսուրսների կառավարումը, քաղաքները և շինարարական միջավայրը, գիտությունը, տեխնոլոգիաները և նորարարությունները, կայուն տնտեսական զարգացումը և այլն։