Բաքվում մեկնարկել է Կասպյան տեխնիկական համաժողովը

Բաքվում իր աշխատանքն է սկսել Նավթագործ-ինժեներների ընկերության (SPE) կողմից կազմակերպված Կասպյան տեխնիկական համաժողով-2025-ը:

Trend-ի փոխանցմամբ՝ այս տարվա համաժողովն անցկացվում է SOCAR-ի աջակցությամբ և կրում է «Սովորում ենք անցյալից, թարմացնում ներկան, ոգեշնչում ապագան» թեման։

Երկօրյա համաժողովի ընթացքում քննարկումներ կանցկացվեն թվայնացման, արհեստական բանականության կիրառման, հանքավայրերի մշակման արդյունավետության բարձրացման, անվտանգության և կայուն մատակարարման վերաբերյալ, որոնք տարածաշրջանային էներգետիկ զարգացման հիմնական ուղղություններն են։

Ծրագիրը ներառում է բացման արարողություն, SPE տարածաշրջանային մրցանակների շնորհում, երկու բարձր մակարդակի լիագումար նիստեր և ավելի քան քսան թեմատիկ բաժիններ։ Համաժողովում կներկայացվեն ինչպես գործնական օրինակներ, այնպես էլ վերլուծական զեկույցներ։