Բելառուսը դեղամիջոցներ և պատվաստանյութեր կարտադրի Ադրբեջանում

Ադրբեջանը և Բելառուսը շարունակում են համատեղ աշխատանքը Աղդամի շրջանում ագրոքաղաքի նախագծի շուրջ։

Report-ի փոխանցմամբ՝ այս մասին հայտարարել է Ադրբեջանի փոխվարչապետ Սամիր Շարիֆովը Ադրբեջանի և Բելառուսի միջև տնտեսական համագործակցության միջկառավարական հանձնաժողովի 15-րդ նիստում։

Նրա խոսքով, նախագծի գլխավոր պլանը հաստատվել է, և ստեղծվել է աշխատանքային խումբ՝ Գըզըլ Քենգերլի գյուղում ագրարային արտադրության կլաստեր ստեղծելու համար։

Շարիֆովը նաև նշել է, որ բելառուսական տեխնոլոգիաների դեղագործական ոլորտում ներդրման, ինչպես նաև Ադրբեջանում դեղամիջոցների և պատվաստանյութերի արտադրության կազմակերպման վերաբերյալ բանակցությունները գտնվում են վերջնական փուլում։