ՀԲ. Ադրբեջանում մեկ շնչին ընկնող եկամուտն աճել է 60 անգամ

10 Փետրվարի 2025 16:18

Ադրբեջանը վերջին 30 տարվա ընթացքում 60 անգամ ավելացրել է մեկ շնչին ընկնող եկամուտը։

Ինչպես հայտնում է Caliber.Az-ը, այս մասին հայտարարել է՝ Համաշխարհային բանկի (ՀԲ) Հարավային Կովկասի տարածաշրջանային տնօրեն Ռոլանդ Փրայսը։

«Վերջին երեք տասնամյակների ընթացքում Ադրբեջանում մեկ շնչին ընկնող եկամուտն աճել է 60 անգամ՝ 2023 թվականին կազմելով 6,66 հազար ԱՄՆ դոլար՝ համաձայն Atlas մեթոդի (օգտագործվում է մեկ շնչին ընկնող համախառն ազգային եկամուտը հաշվարկելու համար): «1993 թվականին այդ ցուցանիշն ընդամենը 110 դոլար էր»,-երկուշաբթի Համաշխարհային բանկի՝ Համաշխարհային զարգացման զեկույցի (WDR) 2024-ի մեկնարկի միջոցառմանը ասել է Փրայսը:

Ինչպես նշել է Փրայսը, Ադրբեջանը հաջողությամբ օգտագործել է իր բնական ռեսուրսները այս արդյունքին հասնելու համար, ինչը, նրա խոսքով, տպավորիչ ձեռքբերում է։

Բարձր եկամուտ ունեցող երկրների շարքը համալրելու համար Ադրբեջանը պետք է ոչ միայն ներդրումներ կատարի ֆիզիկական ենթակառուցվածքներում, այլև հատուկ ուշադրություն դարձնի՝ մարդկային կապիտալի զարգացման, տաղանդների պահպանման և ինստիտուտների ամրապնդման վրա, որոնք կնպաստեն տնտեսության դիվերսիֆիկացմանը:

Caliber.Az

Դիտումներ: 212

Liked the story? Share it on social media!