Բելառուսը շահագրգռված է Ադրբեջանի տարածքով երկաթուղային բեռնափոխադրումներով

Նոյեմբերի 4-ին Բաքվում կայացել է՝ «Ադրբեջանական երկաթուղիներ» (ԱԵ) ՓԲԸ-ի փոխնախագահ Արիֆ Աղաևի և Բելառուսի երկաթուղու փոխնախագահ Անդրեյ Յակոբսոնի հանդիպումը։
 
Ինչպես Caliber.Az-ին հայտնել են ԱԵ-ից, հանդիպմանը մտքերի փոխանակություն է տեղի ունեցել՝ միջազգային կազմակերպությունների շրջանակներում երկկողմ և բազմակողմ համագործակցության զարգացման, փոխադարձ հետաքրքրություն ներկայացնող նախագծերի իրականացման, երկու երկրների միջև կանոնավոր  բեռնափոխադրումների կազմակերպման շուրջ, այդ թվում՝ բեռնափոխադրումներ կոնտեյներային գնացքներով։
 
Բելառուսական կողմը հետաքրքրություն է հայտնել՝ Բաքու-Թբիլիսի-Կարս երկաթգծով Թուրքիա, ինչպես նաև Ադրբեջանի տարածքով անցնող Հյուսիս-Հարավ ճանապարհով Իրան ապրանքներ ուղարկելու հարցում։
 
«Հյուսիս-Հարավ» միջանցքի երկայնքով համագործակցությունն ամրապնդելու նպատակով որոշվել է շարունակել բանակցությունները՝ սակագնային քաղաքականության, տրանսպորտային տեխնոլոգիաների և թվայնացման շուրջ, որոնք քննարկվել են այս տարվա հոկտեմբերին «Ռուսական երկաթուղիներ»-ի մասնակցությամբ՝ եռակողմ հանդիպման ժամանակ։