Ադրբեջանն ու Պակիստանը քննարկել են ներդրումային համագործակցության ընդլայնումը

Ադրբեջանի տնտեսության նախարար Միքայիլ Ջաբբարովը հանդիպել է՝ Պակիստանի ներդրումների խթանման հատուկ խորհրդի ազգային համակարգող Սարֆարազ Ահմադի հետ։

Ինչպես հայտնում է Caliber.Az-ը, այս մասին նախարարը գրել է սոցցանցի իր էջում:
 
«Պակիստան կատարած մեր այցի շրջանակներում մենք հանդիպում անցկացրեցինք Պակիստանի ներդրումների խթանման հատուկ խորհրդի ազգային համակարգող գեներալ-լեյտենանտ Սարֆարազ Ահմադի հետ։ Մենք մտքեր փոխանակեցինք՝ մեր երկրների միջև բիզնես գործընկերության դիվերսիֆիկացման, մեր գործարար համայնքների միջև կապերի ամրապնդման, էներգետիկայի, ենթակառուցվածքների, հանքարդյունաբերության և այլ ոլորտներում նոր ներդրումային նախագծերի իրականացման, ինչպես նաև երկկողմ  ներդրումների հնարավորությունների վերաբերյալ։