Ադրբեջանը և Իրանը ամրապնդում են համագործակցությունը «Հյուսիս-Հարավ» միջանցքի շրջանակներում

Ադրբեջանն ու Իրանը՝ «Հյուսիս-Հարավ» միջանցքի շինարարության արագ ավարտին նպաստող՝ տրանսպորտի և առևտրի զարգացման վերաբերյալ առանցքային համաձայնագրեր են ստորագրել։
 
Այս մասին հայտնում է Caliber.Az-ը՝ հղում անելով IRNA-ին։
 
Ադրբեջանի և Իրանի համատեղ տնտեսական հանձնաժողովի 16-րդ նիստում՝ Իրանի ճանապարհների և քաղաքաշինության նախարար Ֆարզանա Սադիգը հայտարարել է, որ «Հյուսիս-Հարավ» միջանցքը երկրի կարևոր տարանցիկ երթուղիներից մեկն է, որտեղ Ռեշտ-Աստարա հատվածը. առանցքային դեր է խաղում:
 
Նրա խոսքով,  Ռուսաստանի և Իրանի միջև տեղակայված Ադրբեջանը, ռազմավարական դիրք է գրավում երեք երկրների միջև բեռնափոխադրումների ոլորտում։ Այդ հարցում լիարժեք փոխըմբռնումը կնպաստի՝ զարգացմանն ու միջանցքի նախագծի ավարտին, նշել է նա։