Բաքուն և Սոֆիան կքննարկեն առևտրատնտեսական կապերի ընդլայնումը

Տնտեսական համագործակցության միջկառավարական հանձնաժողովի (ՄԿՀ) յոթերորդ նիստում՝ Ադրբեջանը և Բուլղարիան կքննարկեն տարբեր տնտեսական ոլորտներում համագործակցության ընդլայնման հարցերը։
 
Ինչպես հայտնում է Report-ը՝ բուլղարական լրատվամիջոցներին հղումով, ՄԿՀ նիստը տեղի կունենա Սոֆիայում հոկտեմբերի 31-ին։
 
Հանձնաժողովը համանախագահում են՝ Ադրբեջանի գյուղատնտեսության նախարար Մեջնուն Մամեդովը և Բուլղարիայի էներգետիկայի նախարար Ժեչո Ստանկովը։
 
Նախատեսվում է, որ հանձնաժողովը կորոշի երկու երկրների միջև գործարար կապերի ընդլայնման համակարգված միջոցառումները՝ փոխադարձ հետաքրքրություն ներկայացնող տարբեր ոլորտներում։
 
«Միջոցառումը հնարավորություն կընձեռնի՝  գյուղատնտեսության, սննդի արդյունաբերության, դեղագործության, վերամշակող արդյունաբերության, սննդի վերամշակման սարքավորումների արտադրության, տեքստիլ արդյունաբերության և այլնի համար հանդիպումներ պոտենցիալ գործընկերների հետ, գաղափարների փոխանակում և փոխշահավետ համագործակցության համար անմիջական կապերի հաստատում», - նշվում է հաղորդագրության մեջ։