Իգդիրի նահանգապետը՝ Ադրբեջանի հետ հարաբերությունների զարգացման կարևորության մասին

Իգդիր-Նախչըվան գազատարը՝ ադրբեջանա-թուրքական հարաբերությունների վերընթաց զարգացման ևս մեկ օրինակ է։
 
Ինչպես տեղեկացնում է Report-ը, այս մասին հայտարարել է Իգդիրի նահանգապետ Էրջան Թուրանը՝ այցով Թուրքիայում գտնվող Ադրբեջանի կրոնական կազմակերպությունների հետ աշխատանքի պետական ​​կոմիտեի նախագահ Ռամին Մամեդովի հետ հանդիպման ժամանակ։
 
Իգդիրի նահանգապետն ընդգծել է՝ Ադրբեջանի և Թուրքիայի միջև բոլոր ոլորտներում ամենաբարձր մակարդակով երկկողմ հարաբերությունների զարգացման կարևորությունը։
 
Մամեդովը հաստատել է, որ ադրբեջանա-թուրքական հարաբերություններն այսօր հասել են իրենց առավել բարձր մակարդակին։
 
Հանդիպման ընթացքում ընդգծվել է, որ Իգդիրում բնակվող ադրբեջանցիները մշտապես շրջապատված են ուշադրությամբ ու հոգատարությամբ։