Թուրքիան ցանկանում է թուրքմենական գազի տարանցում Ադրբեջանի տարածքով

Անկարան հնարավոր է համարում թուրքմենական գազի տարանցումը Ադրբեջանի տարածքով։ Թուրքիա մատակարարման ծավալները կարող են հասնել տարեկան մինչև 2 միլիարդ խորանարդ մետրի։
 
Այս մասին Report-ին տված հարցազրույցում հայտարարել է Թուրքիայի էներգետիկայի և բնական պաշարների նախարար Ալփարսլան Բայրաքթարը։
 
«Թուրքմենական գազը, որը մատակարարվել է Ադրբեջան, կարող է ադրբեջանական տարածքով հասնել Թուրքիա»,- ասել է Բայրաքթարը։
 
Միաժամանակ նա նշել է, որ մատակարարումները կարող են իրականացվել այն ենթակառուցվածքով, որով ադրբեջանական գազը Վրաստանի տարածքով  մատակարարվում է Թուրքիա։
 
«Նման տարանցման ծավալները կարող են այնքան էլ մեծ չլինել։ Բայց գլխավորն այն է, որ Ադրբեջանի միջոցով դրա իրականացման (տեխնիկական) հնարավորություն կա։ Թուրքմենական գազը սվոպով գնում է Ադրբեջան Իրանի տարածքով և նույն ձևով կարող է գնալ նաև Թուրքիա»,- հավելել է նախարարը։